"ປັນຈະກະ"

ປັນຈະກະ

ປະໂຫຍດເກີດແຕ່ການຖືໂພຄະຊັບ 5 ຢ່າງ

ສະແຫວງຫາໂພຄະຊັບ ໄດ້ໂດຍທາງທີ່ຊອບແລ້ວ

1. ລ້ຽງຕົວບິດາ ມາຣດາ ບຸດ ພັຣຍາ ບ່າວໄພ່ໃຫ້ເປັນສຸກ.

2. ລ້ຽງເພື່ອນຝູງໃຫ້ເປັນສຸກ.

3. ບຳບັດອັນຕະລາຍທີ່ເກີດແຕ່ເຫດຕ່າງໆ.

4. ທຳພະລິ 5 ຢ່າງ:

    ກ. ຍາຕິພະລິ     ສົງເຄາະຍາດ.

    ຂ. ອຕິຖິພະລິ    ຕ້ອນຮັບແຂກ.

    ຄ. ປຸພພະເປຕພະລິ       ທຳບຸນອຸທິດໃຫ້ຜູ້ຕາຍ.

    ງ. ຣາຊພະລິ       ຖວາຍເປັນຫຼວງ ມີເສຍພາສີອາກອນເປັນຕົ້ນ.

    ຈ. ເທວຕາພະລິ ທຳບຸນອຸທິດໃຫ້ເທວະດາ.

5. ບໍຣິຈາກທານໃນສັມມະນະພຣາມຜູ້ປະພຶດຊອບ.

ອໍ ປັນຈກ 22/85

ສິລ 5

1. ປານາຕິປາຕາ ເວຣມະນີ ເວັ້ນຈາກທຳຊີວິດສັດ ໃຫ້ຕົກລ່ວງໄປ (ຄືຕາຍໄປ).

2. ອະທິນນາທານາ ເວຣມະນີ ເວັ້ນຈາກຖືເອົາສິ່ງຂອງທີ່ເຈົ້າຂອງບໍ່ໄດ້ໃຫ້ ດ້ວຍອາການແຫ່ງຂະໂມຍ.

3. ກາເມສຸ ມິຈສາຈາຣາ ເວຣມະນີ ເວັ້ນຈາກປະພຶດຜິດໃນກາມ.

4. ມຸສາວາທາ ເວຣມະນີ ເວັ້ນຈາກເວົ້າຕົວະ.

5. ສຸຣາເມຣຍະມັຊຊະປະມາທັດຖານາ ເວຣມະນີ ເວັ້ນຈາກດື່ມນ້ຳເມົາ ຄືສຸຣາແລະເມໄຣ ອັນເປັນທີ່ຕັ້ງແຫ່ງຄວາມປະໝາດ.

ສິລ 5 ປະການນີ້ ຄະຣຶຫັດຄວນຮັກສາເປັນນິດ

ອໍ ປັນຈກ 22/226

ມິດສາວະນິຊຊາຄືການຄ້າຂາຍບໍ່ຊອບທັມ 5 ຢ່າງ

1. ຄ້າຂາຍເຄື່ອງປະຫານ.

2. ຄ້າຂາຍມະນຸດ.

3. ຄ້າຂາຍສັດ ເປັນສຳລັບຂ້າເພື່ອເປັນອາຫານ.

4. ຄ້າຂາຍນ້ຳເມົາ.

5. ຄ້າຂາຍຢາຜິດ.

ການຄ້າຂາຍ 5 ຢ່າງນີ້ ເປັນຂໍ້ຫ້າມອຸປາສົກບໍ່ໃຫ້ປະກອບ

ອໍ ປັນຈກ 22/232

ຄຸນສົມບັດຂອງອຸປາສົກ 5 ຢ່າງ

1. ປະກອບດ້ວຍສັດທາ.

2. ມີສິນບໍຣິສຸດ.

3. ບໍ່ຖືມຸງຄຸນຕື່ນຂ່າວ ຄືເຊື່ອກັນ ບໍ່ເຊື່ອມຸງຄຸນ.

4. ບໍ່ສະແຫວງຫາເຂດບຸນນອກພຸດທະສາສະໜາ.

5. ບຳເພັນບຸນແຕ່ໃນພຸດທະສາສະໜາ.

ອຸປາສົກເພິ່ງຕັ້ງຢູ່ໃນສົມບັດ 5 ປະການ ແລະ ເວັ້ນຈາກວິບັດ 5 ປະການ ເຊິ່ງວິປະຣິດຈາກສົມບັດນັ້ນ

ອໍ ປັນຈກ 22/230